Paytaxtın Nərimanov rayonunda pirotexniki vasitələr satan 2 nəfər saxlanılıb. Bu haqda bu gün, 27 dekabr tarixində Daxili İşlər Nazirliyinin mətbuat xidməti məlumat yayıb.
Bakı şəhər sakinləri Mehman Abbasov və İlqar Qədirov rayon ərazisindəki ticarət mərkəzlərinin birində qanunsuz olaraq yüksək səsyayıcı qabiliyyətə malik pirotexniki maddələrin satışı ilə məşğul olurdular.
Faktla bağlı protokol tərtib edilərək məhkəməyə göndərilib.
Bundan əvvəl, paytaxtın Qaradağ rayonunda pirotexniki vasitələrin satışını təşkil edən 3 nəfər saxlanılmışdır.
