Bakının Sabunçu rayonunda taksi sürücüsünü soymağa cəhd edən iki nəfər polis əməkdaşları tərəfindən zərərsizləşdirilib. Bu haqda bu gün, 11 avqust tarixində Bakuplus.az Report-a istinadən məlumat verir.
İki nəfər taksiyə minərək sürücünü bıçaqla hədələyib, ondan pul tələb ediblər. Taksi sürücüsü avtomobildən qaçaraq hadisə barədə ərazidəki növbətçi polisə məlumat verə bilib.
Sabunçu RPİ-nin əməkdaşı Çərkəz İsmayılov ortağı ilə birgə soyğunçuları saxlayıb. Saxlama zamanı onlardan biri özünə bıçaqla xəsarət yetirib və polis əməkdaşını bıçaqlamağa cəhd edib.
Faktla bağlı araşdırma aparılır.
