Bakının Xəzər rayonu, Mərdəkan-Buzovna yolunda polis əməkdaşları tərəfindən süni tıxac yaradılmaqla moped sürücüsü saxlanılıb. Bu haqda bu gün, 5 iyul tarixində Bakuplus.az Qaynarinfo-ya istinadən məlumat verir.
29 yaşlı Şamaxı sakini mopedlə Mərdəkan şosesindən Buzovna yolu istiqamətində hərəkətdə olarkən polis əməkdaşlarının əmrinə tabe olmayaraq hərəkətə davam edib. Həmin vaxt əraziyə digər YPX əməkdaşları da cəlb olunublar və onların köməyi ilə moped saxlanılıb. Bu zaman sürücü mopedin sərnişinini düşürərək hadisə yerindən qaçmağa çalışıb.
Polis əməkdaşları yolda süni tıxac yaradaraq Şamxalın idarə etdiyi mopedi məcburi qaydada saxlayıblar. Sürücü hadisə yerindən qaçmağa çalışsa da, o, polis tərəfindən saxlanılaraq Xəzər RPİ 2-ci polis bölməsinə aparılıb.
Məhkəmənin qərarı ilə həmin şəxs İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməkdə təqsirli bilinib və 10 sutka müddətinə inzibati qaydada həbs olunub.
