Bakının Nizami rayonu, Keşlə qəsəbəsində qısqanclıq zəminində həmyerlisini öldürən Çin vətəndaşı Yuan Tianqanqa hökm oxunub. Bu haqda bu gün, 30 dekabr tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi Əhməd Quliyevin qərarına əsasən, Yuan Tianqanq 9 il müddətinə azadlıqdan məhrum edilib.
Paytaxta işləməyə gələn hər iki Çin vətəndaşı adıçəkilən ərazidə yataqxanada yaşayıb. Yuan Tianqanqın həyat yoldaşı da onlarla bir evdə qalıb. Cari il iyulun 14-də Yuan Tianqanq onunla eyni evdə yaşayan tanışı Lianginin onun arvadı ilə yaxınlıq etmək istədiyini öyrənib. O, qısqanclıq zəminində Lianginin baş nahiyəsinə dəmir parçası ilə vurub. Yaralı ağır vəziyyətdə xəstəxanaya çatdırılsa da, həyatını xilas etmək mümkün olmayıb.
Tianqanq barəsində Cinayət Məcəlləsinin “Qəsdən sağlamlığa ağır zərər vurma, ölümə səbəb olduqda” maddəsi ilə ittiham irəli sürülüb.
