5 oktyabr tarixində Bakıda yol-nəqliyyat hadisəsi törədib qaçan şəxs tutulub. Hadisə Nəsimi rayonu ərazisində baş verib. Bu haqda "Report" Daxili İşlər Nazirliyinin (DİN) mətbuat xidmətinə istinadən xəbər verib.
Oktyabrın 2-də saat 2 radələrində Bakı şəhər sakini F.Mustafayev idarə etdiyi “NAZ-Lifan” markalı avtomobillə yolu piyadalar üçün müəyyən edilməyən hissəsindən keçən S.Məmmədovanı vuraraq hadisə yerindən qaçmışdır.
Piyadaya xəstəxanada ilkin tibbi yardım göstərilmişdir.
Nəsimi Rayon Polis İdarəsinin 19-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən sürücü müəyyən edilərək saxlanılıb.
