Bakının Xətai Rayon Polis İdarəsinin 34-cü polis bölməsinin həyətində qadın ərini bıçaqlayıb. Bu haqda bu gün, 9 mart tarixində Report məlumat verib.
Həyat yoldaşı tərəfindən uşaqlarını görməyə qadağa qoyulan 34 yaşlı kişi çoxmərtəbəli binanın damına çıxaraq intihara cəhd edib. Lakin polis əməkdaşları onu bu fikrindən daşındıra biliblər.
Kişi polis bölməsinə aparılaraq orada həyat yoldaşı ilə mübahisə edib. Nəticədə qadın onu bıçaqla kürəyindən vurub.
Faktla bağlı araşdırma aparılır.
Yenilənib - 10:52
Faktla bağlı Daxili İşlər Nazirliyinin (DİN) mətbuat xidməti açıqlanma verib. Bildirilib ki, baş vermiş hadisədən sonra hər iki vətəndaş bir daha şöbəyə gətirilib. Mübahisə ilə bağlı ekspertiza təyin olunub. Araşdırmanın nəticələrinə və ekspertizanın rəyinə əsasən hadisəyə hüquqi qiymət veriləcək.
