Xəzər dənizinin Bakı akvatoriyasında qanunsuz balıq ovlayan şəxslər saxlanılıblar. Bu haqda bu gün, 3 oktyabr tarixində Bakuplus.az Ekologiya və Təbii Sərvətlər Nazirliyinə istinadən xəbər verir.
Xidmət rəsmisi Bəhruz Məhəmmədov xəbər verib ki, qanunsuz balıq ovlayan şəxslər arasında paytaxt sakinləri Nurlan Orucov, Rövşən Abdullayev, Şəmistan Abdullazadənin olduğu müəyyən olunub və onlardan qadağan olunmuş ov alətləri götürülüb.
Ümumilikdə Sumqayıt şəhəri və Şabran rayonu akvatoriyasında, eləcə də Kür çayının Neftçala rayonundan keçən hissəsində və Zəvvar ovçuluq təsərrüfatı ərazisində qayda pozan 6 nəfər saxlanılıb, onlara protokol tərtib edilib.
