Paytaxtda quldurluq edən şəxslər barəsində məhkəmə qərar verib. Bu haqda BakuPlus.az APA-ya istinadən bu gün, 31 oktyabr tarixində xəbər verir.
Yasamal rayonunda aprelin 18-i saat 01:00 radələrində Bakı şəhər sakini H.Rəsulovu bıçaqla hədələyib 400 manat pulunu alan, kart hesabında olan 50 manat pulu isə öz hesablarına köçürən paytaxt sakinləri - Səxavət Yunusov və Nicat Mikayılovun məhkəmə prosesi başa çatıb.
Bakı Ağır Cinayətlər Məhkəməsində hakim Əli Məmmədovun sədrliyi ilə keçirilən prosesdə hər iki şəxs 8 il müddətinə azadlıqdan məhrum edilib.
İstintaq zamanı adıçəkilən şəxslərin ümumilikdə 3 nəfərə qarşı quldurluq etdiyi məlum olub.
