Paytaxtın Qaradağ rayonu, Puta qəsəbəsində yerləşən daş karxanasında həmkarını bıçaqlayan şəxsə hökm oxunub. Bu haqda bu gün, 29 noyabr tarixində Bakuplus.az Oxu.az-a istinadən məlumat verir.
Misir adlı şəxsi bıçaqlayan 27 yaşlı Aslan Xasıyev (ad-soyadı şərti) “Qəsdən sağlamlığa ağır zərər vurma” və “Xuliqanlıq” maddələri ilə cinayət məsuliyyətinə cəlb edilib.
İstintaq zamanı məlum olub ki, hadisədən əvvəl Aslan iş yerində spirtli içki qəbul edib. Bundan az sonra şirkət rəhbərliyinin nümayəndəsi ona zəng edərək iş yerində spirtli içki qəbul etməyin yolverilməz olduğu barədə xəbərdarlıq edib. Aslan belə qərara gəlib ki, bu barədə rəhbərliyə Misir məlumat verib. Nəticədə onların arasında münaqişə yaranıb və bu zaman Aslan bıçaqla həmkarına xəsarət yetirib. Xoşbəxtlikdən xəsətəxanaya aparılmış Misir həkimlər tərəfindən xilas olunub.
Bakı Ağır Cinayətlər Məhkəməsinin hökmü ilə Aslana xuliqanlıq ittihamı ilə bəraət verilib, lakin o, digər maddə ilə təqsirli bilinərək 7 il müddətinə azadlıqdan məhrum edilib.
