Paytaxtda yol polisi əməkdaşları müqavimət göstərən sürücünü saxlayıblar. Bu haqda bu gün, 11 oktyabr tarixində Bakuplus.az Avtosfer-ə istinadən məlumat verir.
77-EY-438 dövlət qeydiyyat nişanlı “Chevrolet” markalı avtomobilin sürücüsü Nicat Həsənli qayda pozuntusu törədib və polis ona "saxla" əmri verib. Lakin o, əmrə tabe olmayıb.
Polis əməkdaşları süni tıxac yaradaraq sürücünü saxlayıblar.
“Şəxs ərazi aidiyyəti üzrə 23-cü PB-yə təhvil verilib, barəsində toplanmış material isə hüquqi qiymət verilməsi üçün məhkəməyə təqdim edilib. Məhkəmənin qərarı barədə ictimaiyyətə əlavə məlumat təqdim ediləcək”, - deyə Bakı Şəhər Dövlət Yol Polisi İdarəsindən bildirilib.
Nizami rayon Məhkəməsinin qərarı ilə o, 15 sutka inzibati həbs olunub.
