Nərimanov Rayon Polis idarəsinin əməkdaşları üzərində qanunsuz olaraq silah gəzdirən şəxsi saxlayıblar. Bu haqda bu gün, 13 noyabr tarixində Daxili İşlər Nazirliyinin mətbuat xidmətinin rəsmisi Anar Qafarov bildirib.
İdarəyə paytaxt sakini, əvvəllər məhkum olunmuş Rüstəm Osmanovdan silah-sursat olması barədə məlumat daxil olub. Əməliyyat nəticəsində onun üzərində “Kalaşnikov” markalı avtomat, 30 ədəd patron və 1 ədəd həmin silaha aid patron darağı aşkarlanıb.
Osmanov bir neçə il əvvəl silahı tapdığını iddia edir, lakin o, həmin silahı polis orqanlarına təhvil verməyib.
Faktla bağlı Nərimanov Rayon Polis İdarəsində araşdırma aparılır.
[caption id="attachment_14351" align="alignnone" width="800"]
Foto açıq mənbədən[/caption]
