Paytaxtın Səbail rayonunun Ə.Gülbalayev küçəsi, 9 ünvanında fəaliyyət göstərən “Təndirçi” obyektinin sahibi cəzalandırılıb. Bu haqda bu gün, 22 avqust tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən məlumat verir.
Mahirə Hüseynovaya məxsus olan iaşə obyektində yoxlamalar aparılıb. Baxış zamanı təndirxanada texniki normativ hüquqi aktların və sanitariya norma və qaydalarının tələblərinin pozulduğu müəyyən edilib. Obyektdə xammal və inqrediyentlərin xarabolma və çirklənmədən mühafizə ediləcək tərzdə və şəraitdə saxlanılmadığı, qida ilə təmasda olan səthlərin təmirsiz olduğu, sanitar qovşağın emal sahəsində yerləşdiyi, tullantıların ağzı kip zibil qutularında saxlanılmadığı və digər nöqsanlar aşkar olunub.
Aşkar olunmuş nöqsanlarla bağlı protokol tərtib olunub, qanunvericiliyə uyğun tədbir görülüb.
[caption id="attachment_110241" align="alignnone" width="640"]
Foto AQTA-nın rəsmi saytı[/caption]
