Bakıda “Azərişıq” ASC-yə məxsus transformatordan oğurluq edən şəxs saxlanılıb. Hadisə paytaxtın Nərimanov rayonu ərazisində baş verib. Bu haqda Report 24 dekabr tarixində xəbər verib.
Nərimanov rayon polisinin keçirdiyi əməliyyat-axtarış tədbirləri nəticəsində rayonun X.R.Ulutürk küçəsindəki “Azərişıq” ASC-yə məxsus transformatordan oğurluq etməkdə şübhəli bilinən, əvvəllər məhkum olunmuş Zərdab rayon sakini D.Kərimli müəyyən edilərək saxlanılıb.
O, rayon ərazisindəki transformatordan 10 ədəd rele və 20 kiloqram mis oğurlamaqda şübhəli bilinir.
