Bakıda Noyabrın 7-dən 8-nə keçən gecə və səhər saatlarında 3 yol-nəqliyyat hadisəsi baş verib. Bu haqda Report məlumat verib.
Xəzər rayonunda iki minik avtomobili toqquşub. Mərdəkan dairəsi yaxınlığında “Nissan” markalı avtomobil eyni istiqamətdə hərəkət edən “VAZ 2107” markalı avtomobillə toqquşub. Nəticədə “VAZ 2107” markalı maşının sürücüsü müxtəlif xəsarətlər alıb. Avtomobillərə ciddi ziyan dəyib. Hadisə yerinə polis və tibb işçiləri cəlb olunub.
Sabunçu rayonu Kürdəxanı qəsəbəsində avtomobil 56 yaşlı İradə Sadığova və 40 yaşlı Yeganə Abbasovanı vurub. Qadınlar 3 saylı şəhər klinik xəstəxanasına təcili tibbi yardım köməkliyi ilə xəsarətlərlə çatdırılıb.
Səhər saatlarında Nəsimi rayonunda avtomobil motosikleti vurub. Motosikleti idarə edən 20 yaşlı Kənan Rüstəmov təcili tibbi yardımın köməkliyi ilə sol bud sümüyünün yerdəyişən sınığı ilə xəstəxanaya çatdırılıb.
Hər üç faktla bağlı araşdırma aparılır.
