20 noyabr tarixində Bakıda yanğın baş verib. Hadisə paytaxtın Nərimanov rayonunda qeydə alınıb. Bu haqda Fövqəladə Hallar Nazirliyinin mətbuat xidməti məlumat yayıb.
Rayon ərazisində ümumi sahəsi 900 kv.m olan avtoservisin rəngləmə sexində havalandırma qurğusu, penoplastdan ibarət tavan və dam örtüyü 4 kv.m sahədə yanıb.
Hadisə yerinə FHN-nin Dövlət Yanğından Mühafizə Xidməti cəlb olunub.
Həyata keçirilən tədbirlər nəticəsində yanğın söndürülüb, avtoservisin qalan hissəsi yanğından mühafizə olunub.
