Bakıda “Volkswagen” markalı avtomobil ilə TIR toqquşub. Bu haqda BakuPlus.az Avtosfer.az-a istinadən bu gün, 24 may tarixində xəbər verir.
Qaradağ rayonu, “Binəqədi Aqrovest”-in qarşısında, "Binə" TM-dən "Sədərək" TM-ə gedən yolda “Volkswagen” markalı, 99-NE-857 dövlət nömrə nişanlı minik avtomobili 10-ZJ-086 dövlət nömrə nişanlı TIR-la toqquşub.
Qəza nəticəsində minik maşınının sürücüsü xəsarət alıb, qulağından qan gəlib. Əraziyə gələn polis əməkdaşları və digər vətəndaşlar ona ilkin tibbi yardım göstəriblər.
Yaralı xəstəxanaya çatdırılıb.
Şahidlərin sözlərinə görə, həmin ərazidə hərəkətin təşkilində problem olduğu üçün orada qəzalar tez-tez baş verir.
