Bakıda piyadaların yolun onlar üçün müəyyən olunmayan hissəsindən keçməsi qəzaya səbəb olub. Hadisə paytaxtın Nizami rayonunda baş verib. Bu haqda BakuPlus.az Oxu.az-a istinadən 14 mart tarixində xəbər verir.
Dünən günorta saatlarında paytaxtın Neftçilər metro stansiyası yaxınlığında baş vermiş hadisənin videogörüntüləri sosial şəbəkələrdə yayılıb.
Son anda piyadaları görən sürücü qəfil əyləcə basıb. Həmin vaxt arxadan gələn “Mercedes S-Class”-ın sürücüsü nəqliyyat vasitəsini saxlaya bilməyərək qəfil tormozlanma edən avtomobilə çırpılıb.
Hadisə zamanı piyadalar xəsarət almayıb. Lakin, arxadan gələn “VAZ” markalı avtomobilin sürücüsünün də qəfil əyləcə basması avtomobilin çarxının sınmasına səbəb olub.
