Yenilənib
Aşkar olunan silah-sursat və narkotik maddə İrandan göndərilib. Bu haqda bu gün, 14 aprel tarixində Daxili İşlər Nazirliyinin mətbuat xidməti məlumat verib. Su Nəqliyyatında Polis İdarəsinin əməkdaşları tərəfindən keçirilən tədbirlər zamanı məlum olub ki, Orxan Əzizəliyev İranda yaşayan Nadir adlı şəxslə əlaqə yaradıb. O, həmin şəxs tərəfindən əvvəlcədən təyin olunan nöqtəyə yaxınlaşıb və gizlədilən narkotik vasitə və avtomatı axtarmağa başlayıb.
09:45 - Bakı sakinin üzərində “Kalaşnikov” aşkarlanıb
Əzizəliyev ona göndərilən bağlamanı götürüb ərazidən uzaqlaşmaq istəyən zaman su polisləri tərəfindən saxlanılıb. O, cinayəti etiraf edib.
Bakının Qaradağ rayonunda yerləşən Bakı Beynəlxalq Dəniz Ticarəti Limanında aprelin 12-də Bakı sakininin üzərində “Kalaşnikov” aşkarlanıb. Bu haqda bu gün, 14 aprel tarixində Report məlumat verib.
27 yaşlı paytaxt sakini Orxan Əzizəliyevin üzərinə baxış zamanı saz vəziyyətdə olan “Kalaşnikov” avtomatı, 60 ədəd patron, avtomat üçün nəzərdə tutulmuş daraq və 9 qramdan artıq metamfetamin aşkar olunub.
Hadisə ilə bağlı cinayət işi başlanıb.
