Bakı-Qazax magistralında baş vermiş yol qəzasında 2 uşaq daxil olmaqla xəsarət alanların şəxsiyyətləri məlum olub. Bu haqda bu gün, 30 sentyabr tarixində Bakuplus.az Report-a istinadən xəbər verir.
Qəza nəticəsində 51 yaşlı Maygül Quliyeva, 27 yaşlı Şəhla Quliyeva, 29 yaşlı Sevgi Quliyeva, 27 yaşlı Məqsəd Quliyev, 25 yaşlı Nurlan Qasımov, 54 yaşlı Misir Əhmədov, 31 yaşlı Xəyal Əsgərov, 7 yaşlı Həvva Qəhramanova və 2023-cü il təvəllüdlü İnci Qasımova müxtəlif dərəcəli bədən xəsarətləri alaraq xəstəxanaya yerləşdiriliblər.
Faktla bağlı araşdırma aparılır.
09:40 - Bakıdan toydan qayıdanları daşıyan miniven aşıb: 7 nəfər xəsarət alıb
Bakı-Qazax magistralında 7 nəfərin xəsarət alması ilə nəticələnən yol qəzası baş verib. Bu haqda bu gün, 30 sentyabr tarixində Bakuplus.az Report-a istinadən xəbər verir.
Hadisə yolun Yevlax rayonu ərazisindən keçən hissəsində qeydə alınıb. Sərnişin daşıyan “Mercedes Vito” markalı miniven hərəkətdə olan zaman “Qazel” markalı yük maşınına çarpılıb. Nəticədə avtomobil idarəetməni itirərək yol kənarına aşıb.
Qəzanın nəticəsində minivendə olan yeddi nəfər xəsarət alıb. Yaralılar əraziyə cəlb olunan təcili tibbi yardım briqadasının köməyi ilə xəstəxanaya çatdırılıblar. İkisinin vəziyyəti ağır, digərlərinin isə orta-ağır və kafi qiymətləndirilir.
Zərərçəkənlərin toydan sonra Bakıdan Tovuza qayıtdıqları bildirilir.
