Bakının Yasamal rayonu, Zahid Xəliov, 68 ünvanında yaşayan sakinlər və 20-dən çox obyektin sahibləri 8 gündür ki, işıqsız qalırlar. Bu haqda bu gün, 4 avqust tarixində Bakuplus.az Baku TV-yə istinadən məlumat verir.
Sakinlərin sözlərinə görə, MTK-nın balansında olan transformator baxımsızlıqdan yanıb. Nəticədə 11 saylı MMMC-nin sədri sahibkarlardan 200 manat, vətəndaşlardan isə 100 manat məbləğində pul yığıb, lakin problem öz həllini tapmayıb.
Reportaj çəkilişi zamanı vətəndaşlarla sədr və komendant arasında mübahisə yaranıb. Sakinlər MTK-nın nümayəndələrini laqeyd yanaşmada ittiham ediblər. Bir müddət sonra – çəkiliş qrupu ərazidə olan zaman binanın həyətində yeni transformator quraşdırılıb.
