Paytaxtın Qaradağ rayonu, Müşfiqabad qəsəbəsi-Sumqayıt marşrutu ilə hərəkət edən 555 saylı sərnişin avtobusu qəzaya düşüb. Bu haqda bu gün, 15 yanvar tarixində Bakuplus.az Report-a istinadən məlumat verir.
Hadisə ötən gün günorta saatlarında qarlı hava şəraitinə görə baş verib. Buzlu yolda idarəetmədən çıxan nəqliyyat vasitəsi yolun kənarına düşüb.
Hadisə yerinə yol polisi əməkdaşları cəlb olunublar. Sərnişinlər digər avtobusla yola salınıblar. Daha sonra avtobusun hərəkəti bərpa olunub.
