Bu gün, 22 dekabr tarixində qayığın aşması nəticəsində zərər çəkən şəxslərin vəziyyətləri stabildir. Bu haqda Kliniki Tibbi Mərkəzdən (KTM) bildirilib.
Xəstəxanada 3 nəfərə zəruri tibbi xidmət göstərilib, hazırda onların vıziyyəti stabildir. Hər üç şəxsin gün ərzində evə buraxılması nəzərdə tutulub.
13:29 - Bakı sahilində gəzinti qayığı batıb: TƏBİB və FHN açıqlama verib
Qayığın aşması nəticəsində dörd qadın zərər çəkib. Bir nəfərə yerində ilkin tibbi yardım olunub. Üç nəfər isə hipotermiya diaqnozu ilə Kliniki Tibbi Mərkəzə təxliyə edilib. Onlara zəruri tibbi xidmətlər göstərilib. Bu haqda bu gün, 22 dekabr tarixində Bakuplus.az TƏBİB-yə istinadən məlumat verir.
FHN-dən verilən məlumata görə, gəzinti qayığının alt hissəsi zədələnib və gövdəsinə su dolub. Nəticədə 3 nəfər ekipaj üzvü və 3 sərnişin təhlükəli vəziyyətdə qalıblar.
FHN Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupunun Daxili İşlər Nazirliyi Su Nəqliyyatında Polis İdarəsinin əməkdaşları ilə birgə həyata keçirdikləri xilasetmə əməliyyatı nəticəsində vətəndaşlar xilas ediliblər.
[video width="464" height="848" mp4="https://bakuplus.az/storage/photos/2023/12/video_2023-12-22_12-13-07.mp4"][/video]
12:28 - Bakı sahilində gəzinti qayığı batıb: DİN açıqlama verib
Bakıda bulvar ərazisində gəzinti qayığının batması ilə bağlı daxil olan məlumat üzrə Daxili İşlər Nazirliyinin Su Nəqliyyatında Polis İdarəsinin əməkdaşları xilasetmə tədbirlərinə cəlb ediliblər. Bu haqda bu gün, 22 dekabr tarixində Bakuplus.az DİN-ə istinadən məlumat verir.
Batma təhlükəsinə məruz qalan şəxslər müvafiq dövlət qurumunun əməkdaşları tərəfindən xilas ediliblər.
12:16 - Bakı sahilində gəzinti qayığı batıb – VİDEO
Bakının Dənizkənarı bulvar ərazisində gəzinti qayığı batıb. Bu haqda bu gün, 22 dekabr tarixində sosial şəbəkələrə istinadən Bakuplus.az məlumat verir.
Şahidlərin sözlərinə görə, qayıq qəfil çevrilib və batmağa başlayıb.
Hadisə ilə bağlı Fövqəladə Hallar Nazirliyinin (FHN) qaynar xəttinə məlumat daxil olub. FHN-in dalğıc-xilasetmə qüvvələri dərhal əraziyə cəlb olunub, vətəndaşlar xilas ediliblər.
[caption id="attachment_124184" align="alignnone" width="640"]
Foto açıq mənbədən[/caption]
