Paytaxtın Xəzər rayonunda intihara cəhd hadisəsi qeydə alınıb. Bu haqda Fövqəladə Hallar Nazirliyinin (FHN) mətbuat xidməti 12 dekabr tarixində məlumat verib.
Məlumata əsasən, Böhran Vəziyyətlərində İdarəetmə Mərkəzinə bir nəfərin intihar etmək istəyərək özünü dənizə atması barədə məlumat daxil olub. Hadisə yerinə Fövqəladə Hallar Nazirliyinin xilasediciləri cəlb olunub. Həmin şəxs dənizdən çıxarılaraq aidiyyəti üzrə təhvil verilib.
Daha bir hadisə Yeni Yasamalda qeydə alınıb. Məhəmməd Xiyabani küçəsində 34 yaşlı Seymur Quliyev binanın beşinci mərtəbəsindən özünü ataraq intihar edib. Onun həyatını xilas etmək mümkün olmayıb.
