Bakı və Abşeronda narkotik alverinə qarşı genişmiqyaslı əməliyyat keçirilib. Bu haqda bu gün, 30 iyun tarixində Bakuplus.az Daxili İşlər Nazirliyinə istinadən xəbər verir.
Son 10 gün ərzində keçirilən əməliyyat nəticəsində paytaxtın Sabunçu, eləcə də Abşeron rayonu ərazisində Bakı sakinləri Əsrəfağa Əlizadə və Azad Əmirov saxlanılıblar. Onlarda ümumilikdə 42 kiloqram narkotik aşkar edilib. Narkotiklərin arasında 19 kiloqram heroin, 13 kiloqram marixuana və 10 kiloqram metamfetamin olub.
Son günlər ərzində ölkə ərazisində keçirilən əməliyyatlar zamanı 31 nəfər saxlanılıb, ümumilikdə 13 milyon AZN dəyəri olan 243 kiloqram narkotik və 5300 ədəd metadon həbi dövriyyədən çıxarılıb.
