Bakının Sabunçu rayonunun Bakıxanov qəsəbəsində 52 yaşlı kişi bıçaqlanıb. Bu haqda bu gün, 26 iyul tarixində Bakuplus.az Report-a istinadən məlumat verir.
Meyvə satışı ilə məşğul olan Elçin Namazəliyev məhsulların qarşılığında verilmiş 20 manat pulun saxta olduğunu bilib və onu geri qaytarıb. Lakin alıcı kimi yaxınlaşan naməlum iki şəxs buna etiraz edib, tərəflər arasında mübahisə yaranıb. Mübahisə nəticəsində Namazəliyevə bıçaq zərbəsi endirilib.
Yaralı təcili tibbi yardımın köməkliyi ilə 3 saylı Şəhər Kliniki Xəstəxanasına çatdırılıb. Fakt araşdırılır.
