Bakının Zığ şosesində yerləşən “Baku Bus” MMC-yə məxsus avtomobil təmiri mərkəzində olan anbarın yanar konstruksiyaları və içərisində təsərrüfat malları qismən yanıb.
Hadisə yerinə yanğınsöndürənlər cəlb ediliblər, yanğın qısa müddətdə söndürülüb, yanğının geniş əraziyə yayılmasının qarşısı alınıb. Mərkəzin qalan hissəsi yanğından mühafizə olunub.
12:28 - “Baku Bus” mərkəzi dayanacağında yanğın başlayıb
Bakının Zığ şosesində yerləşən “Baku Bus” MMC-yə məxsus mərkəzi dayanacaqda yanğın hadisəsi baş verib. Bu haqda məlumatı bu gün, 21 iyul tarixində Bakuplus.az sosial şəbəkələrə istinadən məlumat verir.
Avtobusların parklandığı ərazidə güclü tüstülənmə müşahidə olunur. İlkin məlumata görə, yanğın nəqliyyat vasitələrinin birində başlayıb.
Xəbər yenilənəcək.
[video width="1920" height="1080" mp4="https://bakuplus.az/storage/photos/2023/07/razmer.mp4"][/video]
