Paytaxtın Səbail rayonu, Bayıl qəsəbəsində evdə partlayış baş verib. Bu haqda bu gün, 9 yanvar tarixində Bakuplus.az Fövqəladə Hallar Nazirliyinə istinadən xəbər verir.
Partlayış 2 mənzildən ibarət, ümumi sahəsi 70 kv.m olan ikimərtəbəli “fin” tipli binanın hər 2 mərtəbəsində baş verib. Nəticədə yanğın başlayıb, tikili yararsız vəziyyətə düşüb. Hər 2 mənzilin divarları dağılıb. Digər binalara və ətraf infrastruktura ziyan dəyməyib.
Partlayışın qaz sızması səbəbindən baş verdiyi bildirilir.
Hadisə yerinə FHN-in əməkdaşları cəlb olunublar. 1 nəfər xilas olunub. Yanğın söndürülüb.
[URIS id=86121]
