Bakının Binəqədi rayonu, Biləcəri qəsəbəsində yerləşən evlərin birindən oğurluq etməkdə şübhəli bilinən şəxs saxlanılıb. Bu haqda bu gün, 23 oktyabr tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, oktyabrın 21-də sözügedən qəsəbədə yerləşən evlərin birindən 1500 manat pul oğurlanıb.
Binəqədi RPİ-nin 6-cı və Qaradağ RPİ-nin 11-ci polis bölmələri əməkdaşlarının keçirdikləri əməliyyat tədbiri nəticəsində oğurluqda şübhəli bilinən, Cinayət Məcəlləsinin “Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma” maddəsi ilə axtarışda olan Bakı şəhər sakini, əvvəllər məhkum olunmuş F.Xalıqov saxlanılıb.
Faktla bağlı araşdırma aparılır.
