Ötən gün saat 18:30 radələrində Xəzər rayonunun Binə qəsəbəsində qətl hadisəsi baş verib. Bu haqda bu gün, 14 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
56 yaşlı Vidadi Əliyev bıçaqlanaraq öldürülüb. Cinayət əməlini törətməkdə şübhəli bilinən qəsəbə sakini, keçmiş məhkum, 52 yaşlı Bəhriş Fərəcov polis əməkdaşları tərəfindən saxlanılıb.
İlkin məlumata görə, qətl şəxsi münasibətlər zəminində baş verib. Hadisə ilə bağlı cinayət işi açılıb, Xəzər Rayon Prokurorluğunda ibtidai istintaq davam etdirilir.
