Paytaxtın Suraxanı rayonu, Binə dairəsində ağır yol qəzası baş verib. Bu haqda bu gün, 13 dekabr tarixində Bakuplus.az APA-ya istinadən məlumat verir.
Taksi kimi fəaliyyət göstərən “Toyota Prius”un sürücüsü diqqətsizlikdən idarəetməni itirərək eyni istiqamətdə hərəkət edən evakuatora çarpılıb.
Avtomobildə olan 22 yaşlı Ramilə Əlizadə aldığı xəsarətlərdən dünyasını dəyişib. Sürücü və digər sərnişin ağır vəziyyətdə Sabunçu Tibb Mərkəzinə yerləşdiriliblər. Vəfat edən sərnişinin meyiti morqa təhvil verilib.
Faktla bağlı Suraxanı Rayon Polis İdarəsində araşdırma aparılır.
