Bakının Binəqədi rayonu, M.Ə.Rəsulzadə qəsəbəsində oğurluq hadisəsi baş verib. Bu haqda bu gün, 26 oktyabr tarixində Bakuplus.az Daxili İşlər Nazirliyinə (DİN) istinadən xəbər verir.
Polis Şöbəsinə verilən məlumata görə, sözügedən ərazidə oktyabrın 22-də Z.Bağırzadənin 100 manat pul, eləcə də “Ford” markalı avtomobilindən 2300 manat dəyərində mobil telefon və qulaqlıq oğurlanıb.
Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində oğurluqda şübhəli bilinən Bakı şəhər sakini E.Fərzəliyev saxlanılıb.
Faktla bağlı araşdırma aparılır.
