Paytaxtın Binəqədi rayonunda iki nəfərin pulqabılarının oğurlanmasında şübhəli biliənən şəxslər saxlanılıb. Bu haqda bu gün, 13 dekabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan müraciətə əsasən, rayonun Mehdiabad qəsəbəsində bir nəfərin içərisində 1070 manatı və sənədləri olan pulqabısı, Binəqədi qəsəbəsində isə digər şəxsin içərisində 1000 manatı, sənəd və bank kartı olan pulqabısı oğurlanıb.
Aparılan əməliyyat tədbirləri nəticəsində oğurluq əməlini törətməkdə şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş Rüfət Əliyev və Abşeron rayon sakini, əvvəllər də oğurluğa görə məhkum olunmuş Rəşid Ağayev müəyyən olunaraq saxlanılıblar.
Hər iki faktla bağlı araşdırmalar davam etdirilir.
