Bakının Xəzər rayonu, Binə qəsəbəsində piyadanın ağır xəsarət alması ilə nəticələnən yol qəzası olub. Bu haqda bu gün, 28 iyun tarixində Bakuplus.az APA-ya istinadən məlumat verir.
27 yaşlı Samirə Mustafayeva yol kənarında olarkən onu avtomobil vurub. Yaralı sağ baldır sümüyünün sınığı və qapalı kəllə-beyin travması ilə xəstəxanaya yerləşdirilib. Onun vəziyyəti ağır qiymətləndirilir.
Hadisəni törədən sürücüdən izahat alınıb. Xəzər Rayon Polis İdarəsində araşdırma aparılır.
