Bakının Nizami rayonu, Cəmşid Naxçıvanski küçəsində fəaliyyət göstərən kafelərin birində ağac pilləkənlərinin içərisində saxlanılaraq betonlanan ağacın dibi zədələnib. Bu haqda bu gün, 10 avqust tarixində Bakuplus.az Bakı Gündəliyi Facebook səhifəsinə istinadən məlumat verir.
Həmin ağacdan pilləkənin tutacağını bərkitmək üçün dirək kimi istifadə edilib.
“Bir neçə gün öncə dibi betondan təmizlənib, amma tədbir görülən zaman ağaca bərkidilən tutacaq yəqin diqqətdən yayınıb”, – paylaşımda deyilir.
Daha öncə Bakı Şəhər Yaşıllaşdırma Təsərrüfatı Birliyinin əməkdaşları hadisə yerinə cəlb ediliblər, betonlanan ağacın gövdəsi təmizləyib, ağaclara qulluq göstərilib.
