Paytaxtın Xəzər rayonunda barmağı kəsilən qadın dindirilib. Bu haqda 29 yanvar tarixində APA məlumat verib.
Buzovna qəsəbəsində 27 yanvar tarixində 51 yaşlı Sünbül Paşayevanın barmağı kəsilərək qoparılıb. Zərərçəkən bu gün Xəzər rayon Polis İdarəsinə dəvət edilib və dinlənilib.
"İzahatında qeyd edib ki, ona hər hansı bir şəxs tərəfindən zorakılıq halı edilməyib, xəsarətləri isə səhhətində baş verən problemlə əlaqədar huşunu itirərək yıxılan zaman alıb. Qadın heç kimdən şikayəti olmadığını polis əməkdaşlarının diqqətinə çatdırıb", - DİN-in polis mayoru Anar Qafarov bildirib.
İlkin məlumatda bildirilirdi ki, qadın zorakılığa məruz qalıb və barmağı naməlum şəxs tərəfindən kəsilərək qoparılıb.
