Bakının Xəzər rayonunun Buzovna qəsəbəsində yerləşən evdə partlayış olub, xəsarət alanlar var. Bu haqda bu gün, 23 avqust tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Hadisə yerinə FHN əməkdaşları cəlb olunublar. 81 yaşlı İmanqulu Quliyevə məxsus ümumi sahəsi 250 kv.m olan ikimərtəbəli fərdi yaşayış evinin 1-ci mərtəbəsində partlayış baş verib. İlkin araşdırmalara görə, hadisə qaz sızmasından baş verib.
Partlayış nəticəsində 25 yaşlı Fərəh Quliyeva və 26 yaşlı qardaşı Toğrul Quliyev müxtəlif xəsarətlərlə xəstəxanaya aparılıblar.
Evin birinci mərtəbəsində 3 otağın yanar konstruksiyaları yanıb, otaqların pəncərə çərçivələri və dəmir barmaqlıqlar yerindən çıxıb. Hadisə araşdırılır.
