Evində yanaraq öldüyü bildirilən qadının qətlə yetirildiyi öz təsdiqini tapıb. Bu haqda BakuPlus.az Qafqazinfo-ya istinadən bu gün, 27 may tarixində xəbər verir.
Aprelin 26-da səhər saat 04:00 radələrində Lökbatan qəsəbəsi, Yunis Mirzəyev küçəsi, bina 4, mənzil 12 ünvanında yanmış meyiti tapılan Xuraman Həsənovanın ölümünün qəsdən törədildiyi üzə çıxıb.
Mərhumun meyiti üzərində zorakılıq əlamətləri və xəsarətlər aşkar edilib. Hazırda qətlin kim tərəfindən törədildiyinin müəyyən edilməsi istiqamətində iş aparılır.
İlkin ehtimala görə, qətl tamah məqsədilə törədilib.
Yenilənib: 16:00
Xuraman Həsənovanı qətlə yetirən şəxs polis tərəfindən isti izlərlə saxlanılıb. Bu haqda BakuPlus.az Baş Prokurorluğa istinadən bu gün, 27 may tarixində xəbər verir.
Qeyd edilən cinayət əməlini törətməkdə şübhəli bilinən 37 yaşlı Orxan Novruzov həbs edilərək istintaqa cəlb edilib.
Faktla bağlı Qaradağ rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Hazırda cinayət işi üzrə istintaq davam edir.
