“Oktyabrın 25-i saat 03 radələrində Nəsimi rayonu ərazisində naməlum şəxslərin paytaxt sakini olan bir nəfəri döyüb 50 manatını əlindən alması barədə polisə məlumat daxil olub”.
Bu barədə Bakuplus.az-a DİN-dən məlumat verilib.
Bildirilib ki, Nəsimi Rayon Polis İdarəsinin (RPİ) 19-cu Polis Şöbəsinin (PŞ) əməkdaşları tərəfindən həyata keçirilən tədbirlərlə hadisəni törətməkdə şübhəli bilinən A. Bəhmanov, H.Nurullayev və Ə.Kərimov tutulublar.
Nəsimi RPİ-nin 19-cu PŞ-nin əməkdaşları tərəfindən həyata keçirilən digər bir əməliyyat zamanı paytaxt sakini olan daha bir nəfərdən hədə-qorxu ilə pul tələb edən Ə.Hüseynov və əvvəllər məhkum olunmuş H.Yasinov saxlanılıblar.
Hər iki faktla bağlı araşdırmalar davam etdirilir.
