Ötən gün Suraxanı rayonu, Hövsan qəsəbəsində yerləşən avtoyumada bədbəxt hadisə baş verib. Hadisənin təfərrüatları barədə məlumatı Bakuplus.az Xəzər Xəbər-ə istinadən verir.
Verilən məlumata görə, avtoyumada dünyasını dəyişən 14 yaşlı Rəşad Əsgərovdur. O, avtoyumada velosiped yumaq istəyib.
Hadisə Məktəb küçəsində, Qabil Cəlilova məxsus ''50 qəpik'' avtoyuma məntəqəsində baş verib. Hadisə yerinə polis əməkdaşları cəlb olunublar.
Yeniyetmənin meyiti Məhkəmə Tibbi Ekspertiza və Patoloji Anatomiya Birliyinə təhvil verilib.
Yerli sakinlərin sözlərinə görə, həmin oğlan qəsəbədə yaşamayıb. O, orada yaşayan tanışlarının evinə qonaq gəlib.
Faktla bağlı araşdırma davam edir.
