Bakının Suraxanı rayonunda soyğunçuluqda şübhəli bilinən şəxs saxlanılıb. Bu haqda bu gün, 7 may tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, mayın 6-da Hövsan qəsəbəsində bir nəfərin içərisində 500 manatı olan pulqabısı və mobil telefonu soyğunçuluq yolu ilə talanıb.
Araşdırmalar zamanı məlum olub ki, həmin gün “Toyota” markalı avtomobilin sürücüsü sərnişini yük yerini bağlamaq adı ilə düşürüb. Sonuncu mobil telefonu və içərisində 500 manat olan pulqabısını maşında qoyaraq düşdükdə sürücü avtomobili bilərəkdən sürərək uzaqlaşıb.
Polis əməkdaşlarının keçirdikləri tədbirlər nəticəsində soyğunçuluq əməlində şübhəli bilinən Samir Nağıyev saxlanılıb.
Hazırda araşdırmalar davam edir.
