Xətai rayonunun Əhmədli qəsəbəsində hərbi sursat aşkarlanıb. Bu haqda bu gün, Fövqəladə Hallar Nazirliyinə istinadən xəbər veririk.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış keçirilib və döyüş tətbiqinə yararlı 1 ədəd 30 mm-lik zenit artilleriya yivli top mərmisi, 1 ədəd 14,5 mm-lik mərmi, 5 ədəd 7,62 mm-lik LPS atıcı silah mərmisi, 32 ədəd 7,62 mm-lik PS atıcı silah mərmisi, 96 ədəd 5,45 mm-lik atıcı silah mərmisi, 1 ədəd RQD-5 əl qumbarası, 1 ədəd UZRQM partladıcısı, 1 ədəd AK-74 güllə darağı aşkarlanıb.
Sursatlar ərazidən götürülərək kənarlaşdırılıb. Daha sonra sahəyə yenidən baxış keçirilib və şübhəli əşya aşkar edilməyib.
