Bakının Nizami rayonunun R.Rüstəmov küçəsində içkili vəziyyətdə yolda uzanan şəxs həbs edilib. Bu haqda bu gün, 31 iyul tarixində Bakuplus.az Qaynarinfo-ya istinadən məlumat verir.
63 yaşlı Saatlı rayonu Mollavaizli kəndi sakini olan kişi hadisədə özünü təqsirli bilməyib. Onun sözlərinə görə, hadisədə onun arağına spirt qatan dostlarının günahı var.
"Arağımın üstünə spirt tökməklə məni bu vəziyyətə saldılar", - deyə həmin şəxs bildirib.
Kişinin Rusiyadan deportasiya olunduğu bildirilir.
Azərbaycanda ona saxta dollar hazırlamaq, Rusiyada isə davada iştiraka görə cinayət işi qaldırılıb. Təqsirləndirilən şəxs əməlindən peşman olduğunu və bir daha belə halın baş verməsinə imkan verməyəcəyini bildirib. O, başında travması olduğunu da əlavə edib.
Məhkəmənin qərarı ilə təqsirləndirilən şəxs təqsirli bilinərək, 8 sutka müddətinə həbs edilib.
