Bakının Sabunçu rayonu, Kürdəxanı qəsəbəsində yerləşən doqquzmərtəbəli binada gecə saatlarında yanğın baş verib. Bu haqda bu gün, 11 noyabr tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Yanğın elektrik kabellərinin keçdiyi şaxtada baş verib. Burada olan 27 p.m elektrik naqilləri yanıb.
Hadisə yerinə cəlb olunan FHN əməkdaşları 9-u uşaq və 9-u yaşlı olmaqla ümumilikdə 28 nəfəri təxliyə ediblər.
Yanğın söndürülüb, mənzillər alovdan mühafizə olunub. Xəsarət alan olmayıb.
