Bakı Ağır Cinayətlər Məhkəməsində kriminal avtoriteti öldürən 2 şəxsin işinə baxılıb. Bu barədə 8 oktyabr tarixində Report xəbər verir.
2020-ci ildə mayın 9-da Binəqədidə 26 yaşlı Həsən Tağıyev və 37 yaşlı Zaur Yusifov kriminal aləmdə “Emin 444” kimi tanınan 33 yaşlı Emin Səfərovu bıçaqlıyaraq öldürməkdə ittiham olunaraq saxlanılıblar. Məhkəmənin verdiyi hökmə əsasən, Tağıyev 18 il müddətinə azadlıqdan məhrum edilib, Yusifova isə, qətldə iştirakı sübuta yetirilmədiyinə görə, bəraət verilib. O, məhkəmə zalından azadlığa buraxılıb.
Bundan əvvəl, kikboks üzrə dünya çempionu Zaur Yusifov Emin Səfərovun qətlini sifariş etməkdə ittiham edilirdi.
