Qaradağ rayonunda restoranda yas məclisi təşkil edən şəxslər həbs edilib. Bu haqda 19 yanvar tarixində Daxili İşlər Nazirliyi xəbər verib.
Lökbatan qəsəbəsində yerləşən “Lion Garden” restoranında karantin qaydalarının pozulması faktı qeydə alınıb. Belə ki, restoranı icarəyə götürən Elməddin Əliyev və Vasif Yəhyayev yas mərasimini təşkil ediblər. Məlum olub ki, bundan əvvəl də polis restoran yiyəsinə dəfələrlə xəbərdarlıq edib.
Onlar saxlanılıb və barələrində İnzibati Xətalar Məcəlləsinin müvafiq maddəsi ilə protokol tərtib edilib. Məhkəmənin qərarına əsasən Elməddin Əliyev və Vasif Yəhyayev 8 sutka inzibati qaydada həbs ediliblər.
