Bakının Qaradağ rayonu, Lökbatan qəsəbəsində oğurluqda şübhəli bilinən şəxs saxlanılıb. Bu haqda bu gün, 2 mart tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata əsasən, martın 1-nə keçən gecə marketlərin birində ödəmə terminalından oğurluğa cəhd göstərilib.
Qaradağ RPİ 10-cu Polis Şöbəsi əməkdaşlarının keçirdikləri tədbirlər nəticəsində əməli törətməkdə şübhəli bilinən Bilal Zeynalov saxlanılıb.
Faktla bağlı araşdırma aparılır.
