Ələt-Astara yolunun Bakının Qaradağ rayonu ərazisindən keçən hissəsində avtoqəza baş verib. Bu haqda bu gün, 29 oktyabr tarixində Qafqazinfo məlumat verib.
Lökbatan qəsəbəsindən Ümid qəsəbəsinə 164 saylı marşrut xətti üzrə hərəkət edən “İsuzu” markalı sərnişin avtobusu sürücünün idarəetməni itirməsi səbəbindən aşıb.
TƏBİB-in mətbuat xidməti tərəfindən verilən məlumata görə, hadisə nəticəsində xəsarət alan 23 nəfər (19-u qadın, 4-ü kişi olmaqla) həkim briqadaları tərəfindən tibb müəssisələrinə təxliyə edilib.
Xəsarət alanlara zəruri tibbi xidmətlər göstərilib. Onların müvafiq şöbələrdə müalicələrinə davam edilir.
Hadisə yerinə cəlb olununan polis əməkdaşları xəsarət alanlara ilkin tibbi yardım göstəriblər. Daha sonra onlar təcili tibbi yardımının köməkliyi ilə xəstəxanaya çatdırılıblar.
