Xəzər rayonunda kişi sevgilisini bıçaqlayıb. Bu haqda 21 iyul tarixində Qafqazinfo məlumat verib.
Qala qəsəbəsi, Xaşaxuna bağları yaşayış massivində fevralın 23-də Nərgiz Quliyeva (ad və soyad şərtidir) sevgilisi 30 yaşlı Samir Sadıqov tərəfindən öldürülüb. Nərgizin evində qalan Samir qadından suyu qızdırıb onun paltarlarını yumasını istəyib. Lakin Nərgiz “Mən sənin üçün paltaryuyan deyiləm” deyərək Samiri təhqir edib. Nəticədə onun sözlərinə əsəbləşən Sadıqov mətbəxdən bıçağı götürərək onu qətlə yetirib.
Samir sevgilisini qətlə yetirdikdən sonra tutulacağını bilərək Bərdədə gizlənməyə çalışıb. Polis əməkdaşları onu əmisinin evində saxlayıblar.
Bakı Ağır Cinayətlər Məhkəməsinin hökmü ilə Samir Sadıqov 18 il müddətinə azadlıqdan məhrum edilib.
Qeyd edək ki, Samir qətldən 22 gün öncə Xaşaxuna bağlar massivində yerləşən fermada işə düzəlmiş və orada Nərgizlə tanış olmuşdur. Qadın həmin fermada sağıcı olaraq işləyirdi.
