Bakının Xəzər rayonu, Mərdəkən qəsəbəsində oğurluq edilib. Bu haqda bu gün, 18 yanvar tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata əsasən, sözügedən ərazidəki marketlərdən birinin qarşısında quraşdırılan ödəmə terminalından 6999 manat oğurlanıb.
Bakı şəhər Baş Polis İdarəsi və Xəzər Rayon Polis İdarəsi əməkdaşlarının həyata keçirdikləri əməliyyat tədbirləri nəticəsində əməli törətməkdə şübhəli bilinən Astara rayon sakini, 29 yaşlı Asim Əsədli və Masallı rayon sakini, 30 yaşlı Xəyal Məmmədov saxlanılıblar.
Faktla bağlı istintaq tədbirləri davam etdirilir.
