Bakıda arvadını öldürməyə cəhd edən şəxs barəsində məhkəmə qərar verib. Bu haqda BakuPlus.az Apa-ya istinadən bu gün, 26 iyul tarixində xəbər verir.
Cari il may ayının 28-də saat 23:00 radələrində Xəzər rayonu, Mərdəkan qəsəbəsində həyat yoldaşını öldürməyə cəhd edən Namiq Rəsulovun cinayət işi üzrə məhkəmə prosesi yekunlaşıb.
Bakı Ağır Cinayətlər Məhkəməsində hakim Əli Məmmədovun sədrliyi ilə keçirilən prosesdə Namiq Rəsulov 7 il 10 ay 15 gün müddətinə azadlıqdan məhrum edilib.
Ailə münaqişəsi zəminində Namiq Rəsulov həyat yoldaşı Fərqanə Rəsulovaya bıçaq xəsarətləri yetirib. O, daha sonra özünə bıçaqla zərbələr vurub.
Hər iki şəxsi xilas etmək mümkün olub.
